"El vomitorio" podcastaren zuzeneko grabaketa - ama-sma

Aurkezleak: Mario Marzo eta Nacho Castellanos

"El vomitorio" podcast bat da, musika klasikoa eta, hedaduraz, artea eta kultura ulertzeko eta sentitzeko modu berri bat proposatzen duena. Proiektu hori Mario Marzo aktore, pianista eta Onda 2024 sariaren podcaster irabazleak sortu eta zuzendu zuen Nacho Castellanos kontratenorrarekin batera. Entzumen espazioa ez ezik musika klasikoa eta haren istorioak indartsu berpizten dituen esperientzia bat da, eta nota bakoitzak bizia hartzen duen unibertso batean murgiltzera gonbidatzen ditu entzuleak.

Ikuskizuna amaitzean emozioa darion antzoki erromatarretako espazio zahar horiek (vomitorio edo ate bide deitzen zaio antzinako zirku edo antzokietako ate edo irekidurari, edo antzeko lokal modernoetan, harmailetan sartu eta irteteko erabiltzen denari) gogora ekartzen dituen izen batekin, podcast hau une magiko hori harrapatzeko xedearekin sortu da, hain zuzen, kontzertua amaitzean, publikoa besaulkiak uzten dabilenean, eta musika oraindik airean taupaka dagoenean, azken noten oihartzunak entzuten diren bitartean, Mario eta Nacho eszenatokira igotzen dira, kamera eskuan, musika klasikoaren pasadizo liluragarri eta argigarrienetako batzuetan bete-betean murgiltzeko. Musikatik harago doazen istorioak, konpositoreen xehetasunik gizatiarrenak eta apartekoenak erakusteko.

El Vomitorioaren atal bakoitzean musika klasikoarekin estuki konektatzera gonbidatzen zaie entzuleei, bereziki adituak edo bereziki zaleak izan gabe jakin-mina sentitzen dutenei.