Eduki publikatzailea

opera omnia

Gau jaia

PROGRAMA

Juan Francés de Iribarren (1699-1767) eta Diego Pérez de Caminoren (1735 inguru -1796) bilantzikoak

Cuando el lucido circo - Diego Pérez de Camino

Digo que no he de cantarla - Juan Francés de Iribarren

Vengan, vengan - Pérez de Camino

Llévame los ojos  - Iribarren

Atención, suspensión - Miguel de Irízar (1635-1684)

Vengan a la iglesia - Pérez de Camino

Sonata Quinta - Francisco José de Castro (1670 - 1730)

 - Preludio - Allemanda - Giga

Mi pastor enamorado - Pérez de Camino

¡Qué bien, abuejuelas! - Iribarren

La gustosa tonadilla -Pérez de Camino

Jácara de fandanguillo  - Iribarren

INTERPRETEAK

Manon Chauvin, Sandra Cotarelo Tiplea
Beatriz Oleaga Altua
Fran Díaz-Carrillo Tenorea
Fabio Barrutia Baritonoa
Isaac M. Pulet, Beatriz Amezúa Biolinak
Guillermo Martínez Txeloa
Silvia Jiménez Kontrabaxua
Eyal Streett Baxua
Jorge López-Escribano Organo positiboa
Sara Águeda Bi ordenako arpa
Josías Rodríguez Gitarra eta artxilautea
Pere Olivé Perkusioa
Isaac M. Pulet Zuzendaritza

 

PROGRAMA

Opera Omniaren Gau jaia programan bilantziko multzo bat biltzen da. Juan Francés de Iribarren nafarrarenak eta Diego Pérez de Camino errioxarrarenak dira, Malagako eta Santo Domingo de la Calzadako (Errioxa) katedraletako kapera maisuak, hurrenez hurren, eta Raúl Angulo eta Ars Hispana elkarteak transkribatu dituzte. Gainera, oraingo honetan, Miguel de Irízar Gasteizko Santa Maria kolegiatan maisu izan zenaren Atención, suspensión lana sartu da. Lizarrako eta Logroñoko antzinako musika asteekiko lankidetza honek generoen fusio ausarta eta antzerki, dantza eta musika nahasketa paregabea dakarzkigu, ikuskizun zoragarri baten barruan. Bilantziko horien estetika, poesia eta musika zuzenean datoz antzerki herrikoitik, tonadilla eta seguidilla bereizgarriak tarteko. Askotariko estiloak nahasten dira bizitasun handiz, hala nola tradizional hispaniarra, dantza herrikoia eta estilo dotore berria.

INTERPRETATZAILEAK

Opera Omnia antzinako musikan espezializatutako Espainiako talde bokal-instrumentala da. Taldeko kideek antzinako musikaren inguruko Europako talderik onenekin kolaborazioak egin ohi dituzte, eta talde honetan, haien ideiak eta esperientziak elkartzen dira. Isaac M. Pulet biolin jotzailearen zuzendaritzapean, Opera Omniaren jardueraren ardatza da barrokoko eta klasizismoko Espainiako musika ondarea berreskuratzea, eta horretarako jatorrizko musika tresnak eta errepertorio bakoitzerako interpretazio teknikarik egokienak baliatzen ditu. Horretarako, jatorrizko iturri eta tratatuetara jotzen du, garai bakoitzeko interpretazio estiloa birsortzeko, baina bere interpretazioei ikuspegi ausart eta berria ematen die. Horri guztiari esker, bertsio fresko eta distiratsuak lortzen ditu, eta birtuosismo handia erakusten du.

2019an sortu zenetik hainbat jaialditara gonbidatu dituzte, hala nola: Madrilgo Erkidegoko Arte Sakratuaren Nazioarteko Jaialdia; Huescako EnClaves Jaialdia; Lizarra, Logroño eta Arabako antzinako musika asteak; eta Zaragozako Hiru Kulturen Musika Jaialdia. Opera Omnia Espainiako musika ondare oparoarekin konprometituta dagoen taldea da, eta hari hautsa kendu nahi dio, berriz ere distira egin dezan, garai batean egin zuen bezala.

Gau jaia

Isaac M. Pulet

Biolina eta zuzendaritza

Biolin barrokoko lehen irakaslea izan zen Vigoko Goi Mailako Musika Kontserbatorioan. Biolin, harmonia, kontrapuntu eta akustikako kalifikaziorik altuenekin bukatu zuen prestakuntza Madrilgo Musikako Goi Mailako Errege Kontserbatorioan, Hiro Kurosaki nazioarteko biolin jotzailea tutore zuela, eta Hagako (Holanda) Errege Kontserbatorioan Pavlo Beznosiuk eta Ryo Terakadorekin. Orobat, interpretazio historizistako masterclass-ak ere jaso zituen hainbat maisurekin, hala nola Lucy van Dael, Anton Steck, Mira Glodeanu, Margaret Foultness edo Kati Debretzeni.

2019an Espainiako musika ondarea berreskuratzeko Opera Omnia taldea sortu zuen, eta harekin hainbat programa aurkeztu ditu, Sebastián Durón, Juan Hidalgo, Francés de Iribarren eta Pérez de Caminoren musikarekin.

2020an Opera Omnia Polifonia Eskola sortu zuen, zeinean hainbat gai irakasten baitira, hala nola solmisazioa edo solfeo historikoa, salmodia eta modalitatea, kontrapuntu errenazentista, notazio mentsurala edo tenperamentu historikoak, Isaac Alonso Hagako (Holanda) Errege Kontserbatorioko irakaslearekin eta mundu osoan ezaguna den Juan Carlos Asensiorekin. Kontserbatorioetan ez direnez gai horiek eskaintzen, polifonia eskola horrek erreferentzia zentro bilakatu nahi du.

Biolin jotzaile gisa, kontzertuak eman ditu Korean, Japonian, Turkian, Alemanian, Holandan, Frantzian, Italian, Eslovenian, Danimarkan, Ingalaterran, Brasilen, Txilen, Uruguain eta Argentinan, Espainiako antzinako musikako talde onenekin batera. Yllana Producciones-en eta Ara Malikian-en PaGaGnini umorezko ikuskizuneko kide izan da, eta ikuskizun berri bat estreinatu berri du haiekin, Maestrissimo izenekoa, zeinean era berean umorea eta musika bateratzen baitira.

Antzerkian, Antzerki Klasikoko Konpainia Nazionalarekin aritu da lankidetzan. Harekin interpretatu zuen El trino del diablo (Tartini) sonata biolin soloa eginez, Eduardo Vascok zuzendutako La Estrella de Sevilla lanean. Espainiako antzinako musikan espezialista gisa, Nuria Alkortak zuzentzen duen eta Calderón de la Barca espainiar dramaturgoaren lanean espezializatuta dagoen Delabarca antzerki konpainiarekin lankidetzan aritu da, egokitzaile eta musika zuzendari, eta musikologia lantzeko eta musika berreskuratzeko lan handia egin du besteak beste obra hauetan: Año Santo en Madrid auto sakramentala, Theatrum mundi, Darlo todo y no dar nada eta Hado y divisa.

Sarrerak

 

 

 

EZ GALDU 

Eguna eta ordua

   Irailak 9 

        19:00

Lekua

  Santa Maria Katedrala, Gasteiz 

Lizarrako eta Logroñoko Antzinako Musikaren asteekin lankidetzan egindako lana.