Harrotasun barrokoa - ama-sma

Miguel Ángel Cajigal Vera artearen historialaria eta dibulgatzailea da, erakusketen komisario, ondarearen hezitzaile eta musikari izateaz gain. El Barroquista izenarekin, artearen eta kulturaren influencer honek jarraitzaile ugari ditu gizarte sareetan eta komunikabideetan, besteak beste Radio Galega, La Voz de Galicia eta TVEko El Condensador de Fluzo delakoan. Galizian, Kulturaren Hiriko Hezkuntza Zerbitzuko ondarearen hezitzailea eta irakaslea da, baina bere prestakuntza sendoari esker –zeina etengabe osatu baitu lizentziatura atera zuenetik–, Miguel de Cervantes Unibertsitatean Kultura Espazio eta Museoetako Hezkuntzako Masterreko zuzendaria ere bada.

La Petite Écurie oboe banda bat da, XVII. eta XVIII. mendeetako musika jotzen duena, musika tresna historikoak baliatuta: hiru oboe, fagota eta perkusioa. Taldearen izenak "Grande Écurie" du gogoan, hots, Versallesen Luis XIV.aren gortean zegoen musika establezimendu bat. Bertan egiten zuten lan, hain zuzen ere, haize musikari gehienek. Miriam, Valerie, Marc, Giovanni eta Philippek Urbinoko Antzinako Musika Jaialdian ezagutu zuten elkar, 2018an. Harrezkero, Europako talde historizista garrantzitsuetako kide hauek hainbat jaialditan parte hartzeko gonbidapena jaso dute, tartean Melk-eko (Austria) Internationale Barocktagen, Valletta Baroque Festivalen (Malta) eta Musikfestspiele Potsdam Sanssoucin (Alemania). Duela gutxi, REMA delakoak (European Early Music Network) bere sare europarreko talde berrien artean sartu du talde hau.