Koru kantuko tailerra - ama-sma

Eduki publikatzailea

Koru kantuko tailerra

Irakaslea: Cantoría taldeko Jorge Losana

Sing with us: musika errenazentista iberikoaren tailerra, Jorge Losanak eta Kantoriako kideek emana.

Bereziki abeslari gazteei eta errepertorio honetan interesa duen koru esperientziadun edonori zuzenduta, Espainiako Errenazimentuko pieza ikonikoak landuko dira, hala nola Sus sus sus (Bartomeu Cárceres), Hoy comamos y bebamos (Juan del Enzina) eta Riu riu chiu (Anonimoa - Uppsalaren kantutegia), arreta berezia jarriz interpretazio historizistan: dikzioa, bokaltasuna, prosodia, estiloa, testuingurua eta testuen zentzua. Gainera, Cantoriak Errenazimentuko musikaren lanean garatzen duen interpretazio-ikuspegia partekatuko da.

Ez da maila tekniko zehatzik behar, baina bai obrak aldez aurretik prestatu izana, emango diren azterketa-materialetan oinarrituta. Iberiar ondareko musika liluragarrienetako bat zorrotz eta sormenez aztertzeko aukera.

OHARRA. Tailer hau kantu ikasleei edo abesbatzen kideei zuzenduta dago. Plazak erreserbatzeko pasahitza behar da. Plaza erreserbatzean, ahots-sailkapena adierazi behar da.

Jorge Losana Murtzian jaio zen 1986an. Murtziako Unibertsitateko musika hezkuntzako diplomaduna da, eta Murtziako Goi Mailako Musika Kontserbatorioko koru zuzendaritzako graduduna. Kantu historikoan eta antzinako musikaren interpretazioan espezializatu da Kataluniako Goi Mailako Musika Eskolan (ESMUC, Bartzelona), eta bertan jarraitzen du bere tenore prestakuntzarekin, Margarida Natividade irakasle duela .

Hainbat abesbatza zuzendu ditu, hala nola Schola Cantorum Alfonso X.a "Jakituna", Murtziako Katedraleko Eskolania edo Cororao Ahots Taldea, besteak beste. Staatliche Hochschule für Musik und Darstellende Kunst Mannheim-en (Mannheim, Alemania), zuzendari izateko prestakuntza jaso zuen, eta nazioarteko ekoizpen diskografikoak egin ditu Deutsche Gramophon, Carus Verlag edo Rondeau Production zigiluetarako.

Egun, Murtziako Unibertsitateko Koralaren eta Orkestraren zuzendari titularra da, bai eta Early Music Project kolektiboarena ere. Azken hori platafoma da, antzinako musika sustatzekoa eta Espainiako hego-ekialdeko musika ondarea berreskuratzeko eta haren balioa nabarmentzekoa Gainera, Sierra Espuñako (Murtziako Eskualdea) Antzinako Musika Jaialdiaren, ECOS Jaialdiaren eta Cantoría Ahots Ensemblearen zuzendaria da.