Euskelelea eu - ama-sma

Eduki publikatzailea

Euskelelea

EUSKAL BARROKENSEMBLE

Juan Kruz Igerabide idazlearen ipuin batean oinarrituriko ikuskizuna

Maika Etxekopar, kontalaria eta ahotsa
Lore Zeberio, ahotsa
Leire Berasaluze, ahotsa
Mixel Etxekopar, ahotsa eta txirulak
Ana Hernandez, biolin barrokoa
Daniel Garay, perkusioa
Pablo Martín Caminero, kontrabaxua
Enrike Solinís Azpiazu, euskelelea, gitarra barrokoa, ideia originala eta musika moldaketak

Baziren behin lamia batzuk,Euskal Herriko baso zoragarri batean jostatzen zirenak, paletan jolasten. Bat-batean, Mari jainkosak pala horietako bat hartu, barrutik hustu eta lau soka jarri zizkion: bat marroia, lurrarentzat; beste bat urdina, urarentzat; hirugarrena gardena, haizearentzat; eta azkena gorria, suarentzat. Horrela sortu zuen euskelelea...

Ikuskizun hori Enrike Solinísen jatorrizko ideia batean eta musika-tresnan oinarrituta dago. Testuen egilea Juan Kruz Igerabide poeta ospetsua da, Maika Etxekopar aktore eta kantariak ahotsa jartzen diolarik. Euskal Barrokensemblek jotako doinu eder eta zaharrez gain, Irrimarra ilustratzaileak proiektaturiko irudiak ere ikusiko dira.